Gjaku udhëton në damarë derisa zemra pulson
Kur zemra të ketë ndaluar, edhe gjaku ndalon
Udha e udhëtari brenda teje ndodhet
Trupi i lodhur fle, por zemra nuk lodhet
Ashtu si zemra gjakun e bën të udhëtojë
Ka diçka që zemrën e bën të pulsojë
Më thuaj në gjumë ke ndopak vetëdije?
Për gjërat që hëngre a ke ndopak shije?
Nëse trupi yt s’do kishte një çikë dije
Me jashtëqitjen tënde çdo natë do të flije
Në gjendje gjumi e gjen sigurinë
Ushqimet që hëngre brenda teje rrinë
Po kur të jesh zgjuar, do të ndryshojë gjendja
Teprica që mban, nuk do të rrijë brenda
Në gjumë ose zgjuar, fëmijë kur ishe
E bëje në rroba se siguri s’kishe
Tani që je rritur, ke kuptuar diç?
Gjithçka do të jesh, nëse bëhesh hiç
Të jesh i vetëdijshëm do të thotë tjetër gjë,
e jo në rroba të mos e bësh më. ~ Fatmir Muja
